Angelababy長期留在日本工作，與緋聞男友陳偉霆（William）分隔兩地。不過Baby甚懂氹男友，除越洋為對方澄清緋聞外，更大方公開愛的紋身力證二人情未變。雖然今年沒有Baby陪過生日，William同樣冧爆，更體恤地說：「工作要緊，返嚟補祝！」
Baby跟William這對緋聞男女的關係備受考驗，繼早前傳出Baby與混血師弟James撻着後，最近有指William曾力追Baby的「死敵」Janice Man。身在日本的Baby在電話中開腔力撐William說：「嗰陣Janice Man已經有男朋友，William點會追佢呢，睇完得啖笑！」
返港再補祝
雖然與William經常分隔兩地，但Baby仍心繫男友，最近就在日本雜誌上大晒低腰敏感位置的十字架「愛的紋身」，實行隔空向男友派「定心丸」。William今天生日，Baby亦坦言已透過SMS祝對方生日快樂，又甜笑說：「返嚟（香港）會專誠揀一份適合佢嘅禮物。」女友如此識做，難怪William亦同樣體貼地說：「我生日嗰日Baby要喺日本做嘢，冇得一齊過唔會失望，工作緊要，佢返嚟會再補祝。（最想Baby送咩？）木村拓哉簽名！」對於他力追Janice Man的傳聞，他就表示不是事實不會回應。
續任代言人
Baby在日本愈戰愈勇，同時亦深受香港的廣告商愛錫，她落實會繼續擔任品牌2%的2010年春夏代言人，品牌更加碼以近7位數字酬勞邀Baby返港拍攝廣告。而據知海港城亦力邀Baby及她同門師姐熊黛林等人拍攝聖誕宣傳片。
文：專案組