台慶趣劇「超級巨B」被轟內容無聊、對白粗鄙及浪費食物而接得投訴，志偉演趣劇時疑混亂中更錯摸湯盈盈胸部。至於由謝雪心、雪妮、程可為主演的「驚喜合唱Crossover」環節，為全晚節目之高潮，成為收視最高的環節。
雲集過百小生、花旦演出的無綫大型節目《萬千星輝賀台慶》前晚已曲終人散，雖然節目收視理想，平均37點，最高39點。
郭羨妮慘遭淋奶
但由曾志偉、陳豪、湯盈盈、錢嘉樂、郭羨妮主演的台慶趣劇「超級巨B」，就被網友勁轟無聊、毫無內容、不知所謂，而無綫方面就收到兩個投訴指趣劇無聊冇新意、對白粗鄙、浪費食物及教壞細路，趣劇變鬧劇。
前晚台慶趣劇中，志偉、森美、錢嘉樂、陳豪齊齊扮巨B，而湯盈盈、伍詠薇就扮護士，關菊英、李香琴及高海寧等就扮演奶媽。
當中以哪吒頭、赤膊加短褲扮巨B的志偉，扯掉口水肩後除露出粉紅乳暈外，又表示想食人奶，即與其他演員大玩唧奶，期間客串的郭羨妮，更慘遭淋奶及淋橙汁，而混亂之間志偉疑錯摸盈盈胸部，可見場面十分混亂。
戴雙Bra冇感覺
事後，盈盈表示感覺不到被摸胸：「完全唔覺，可能係角度問題。（玩得好癲？）唔緊要，都好好玩，我都戴定兩個Bra，諗住咁樣會勁啲，鬥班巨B。」至於，慘遭照頭淋奶的郭羨妮亦說不介意：「好玩，好瘋狂。（件衫裏面都濕晒？）踎低咗，所以係個頭濕晒。（條裙點算？）洗番先還畀贊助商。（首飾呢？）問過贊助商，佢哋話冇所謂。」
文：影視組