今期gag神出嘅題目真係好爛，陳柏宇估咗好耐都毫無頭緒，就連出名鍾意估IQ題嘅伊健都被考起，最後方珈悠得到助手提水先至答中，奸茅！
問題：孔子是我國最偉大的甚麼家？
鄭伊健初時胸有成竹，以為條題目好易，點知估極都估唔到，搞到佢垂頭喪氣：「哲學家？發明家？藝術家？呢條好難喎……」伊健邊諗邊喃喃自語，更要求向記者拿貼士，最後選擇棄權。當他聽到答案後表示：「吓，孔子過咗身喇喎，點會仲叫老人家呀？」
陳柏宇自認IQ爆棚，但聽到題目後卻皺晒眉，他說：「咩家？思想家、哲學家……畀少少時間我。」可惜過了五分鐘，柏宇仍想不出答案，最後他主動要求開估，當得悉答案後，柏宇恍然大悟：「哦……真係好難估呀！」
方珈悠表示由細到大估題目最差，還經常被朋友笑反應遲鈍，不過今次卻很有體育精神努力估：「嘩，好難喎，係咪文學家？哲學家？」想了數分鐘，方珈悠還是答不中，助手即在旁提水，她才靈光一閃：「係咪老人家？」