原籍新會的啤梨前年與家人回鄉探親，由於已多年未有回去，環境早已變遷不少，故啤梨特意拿起相機四處尋寶。談到新會之旅，啤梨不得不提誤闖禁地的驚險過程：「自己踩住架運石油氣嘅單車周圍去，兜兜吓發現有好多狗追住我，因為鄉下唔係好多人，佢哋見到陌生人特別敏感，嗰刻都真係幾驚o架，好在有村民幫手趕佢哋走，先冇畀啲『本地薑』撕開。」

難得回鄉，啤梨拿起相機四處尋幽探秘。	在新會逗留短短四日，啤梨因狂食增了五磅。	啤梨在家鄉踩住單車周圍去，卻被狗群追趕，令他大呼怕怕。

四日肥五磅

啤梨又言回鄉指定動作是放煙花：「嗰度啲煙花真係好勁o架，直頭係大時大節喺維港放嗰種，我都唔敢拎住佢，如果有咩意外向住自己爆，應該命仔都冇。」

啤梨又表示鄉下生活指數低，一百大元已可餵飽十餘人：「由於太抵忍唔住不停食嘢，去咗四日足足肥咗五磅。」

拒歸隱田園

啤梨對家鄉有讚冇彈，問他退休後會否歸隱田園？啤梨說：「咁又唔會喇，始終住慣城市，返到鄉下好多嘢都會覺得唔方便，而且啲朋友喺晒香港，咪冇人陪我玩囉。」雖然不會選擇定居新會，但啤梨亦有意於當地置業，閒時回鄉度假。

文：音樂組