鍾欣桐昨日出席「TOUGH Jeansmith 15周年紀念——15強人」頒獎禮，並在演藝界組別中獲頒強人獎項，以表揚她逆境自強、永不放棄的積極態度。鍾欣桐台上表示踏入娛樂圈九個年頭，當中經歷過很多事情，每日均有不同的事情發生，壓力很大，她說：「壓力大到想爆，好多事情都係喺唔知嘅情況下發生，當中有開心有唔開心。最轟動嘅係去年嗰件事，當時好低落。」

路始終要走

阿嬌慶幸得到家人的支持，同事和朋友也當作沒事發生一樣，她堅強地說：「我知要面對嘅路好長，路點都要走，唔可以因為一件事而放棄自己，要堅強去面對。」

問到事情在她心中是否已完全過去？她說：「你問我係咪真係過晒，係未，大家都有keep住提。（現在心態點？）都OK嘅，唔會刻意去諗。」鍾欣桐指自己出身自單親家庭，反而令她學懂堅強。

工作度生日

台上她更與音樂界的得獎者汪明欣合唱一曲《明天會更好》鼓勵港人，鍾欣桐事後說：「好開心，汪明欣今日送咗一首歌畀我，希望我可以用得着。」鍾欣桐透露為了慶祝英皇十周年，將會聯同全公司演出一場騷，她說：「到時會喺內地舉行，咁啱前一日係我生日又要綵排，可能會同同事一齊過生日。」至於電影界組別則由黃真真獲獎。

文：影視組