周麗淇（Niki）和師妹Chita昨日出席Hello Kitty Diamond鑽石香水活動，由於天氣寒冷，Niki穿了假皮草保暖，她說：「fashion啫，真皮草買唔起，而且太殘忍喇。」
獲贈香水的Niki表示想設計自己的Q版figure香水：「我鍾意清新嘅花香味，香水唔可以亂買，每個人有自己體味，唔可以揀錯。（鍾唔鍾意男人搽古龍水？）古龍水太濃喇，如果大汗溝埋好難聞，鬚後水同止汗劑就可以接受。（以前男友搽唔搽古龍水？）唔知喎，唔臭就OK。（唔要臭男人？）哈哈哈，梗係唔要，有邊個鍾意臭嘅人。」
