Ella、Kay、陳奕迅、容祖兒、蔡卓妍、古巨基及陳偉霆等歌手昨日出席《第三十二屆十大中文金曲》頒獎禮記者會，Ella「升呢」企在第二排當眼位，Kay則企頭排中間。

當影完大合照，記者上前拉攏Ella與Kay合照，Kay助手即說：「唔好搞啦，要影環球大合照呀。」此時Ella已走近Kay，兩人隨即搭膊攬腰合照。不過事後Kay竟笑住對記者說：「你哋好衰逼我合照。（介意？）唔介意，好特登，一路都係好朋友。（尷尬？）夾硬捉我哋影相，好老土。（合照感覺幾好？）你贏喇，好鬼煩。」相反Ella就表現大方，表示沒有感到尷尬。

阿詩冇到

Kay去年走勢凌厲，她坦言沒有留意今年樂壇歌曲走勢，說：「做完每年計劃已經好滿足，有獎當然開心。（會唔會叫公司爭獎？）公司從來都唔講呢啲，因為知我唔係呢啲人。」

另外，一直與港台關係麻麻的何韻詩缺席記者會，楊千嬅、鄧麗欣、傅穎及張繼聰亦未有現身，身為大會總監馮偉棠及大會製作總監周國豐逐一解釋缺席原因，說：「何韻詩係有邀請，不過度唔到期，亦唔會勉強。」而阿詩唱片公司發言人強調她要為音樂會綵排。

文：音樂組