鍾嘉欣昨日為無綫J2台節目《My Name Is邦》錄影，她表示唔擔心會被主持人崔建邦刁難：「唔怕佢問我啲緋聞，都冇嘢嘅，我可以光明正大咁答，今次嚟其實仲想順便宣傳出唱片。」鍾嘉欣又透露近日忙於追看《宮心計》：「好鍾意睇，如果有機會做到楊怡個角色就好喇，好想演奸角，我未真正做過奸人，成日都演好人，不過好人難做，除此之外，我仲想演盲角，演傷殘人士。（視后睇好邊個？）睇好雯女、楊怡。」
上周無綫收視繼續以《宮心計》鶴立雞群，平均收三十五點，最高收三十八點，而《富貴門》平均收廿八點較上周下跌一點，至於周六播映的「翡翠歌星賀台慶」平均收廿五點。而廣管局上周收到兩個投訴，指《宮》劇太多勾心鬥角情節及針灸針法唔啱，八個投訴指《富》劇太多吸煙鏡頭及劇中演員邊揸車邊講手機。