郭富城（城城）出席代言的Longines旗艦店開幕，得高層送上名錶的他，心情靚到飛起，就算被追問緋聞女友熊黛林（Lynn）又再「攻城一粒鐘」時，城城不怒反笑，還巧施「金句」、「厚禮」及自爆「勁料」欲求甩身。
昨日城城以代言人身份，出席Longines旗艦店開幕，大會更請來楊洛婷任嘉賓，吸引逾百人圍觀。西裝骨骨超靚仔的城城，未知是否愛情得意，還是收到品牌高層送上早前在澳門睇中的八萬多元限量版編號18號的名錶，故零舍風騷，就連問他最避忌的緋聞也無黑面。
加玫瑰金顯身價
城城多謝贊助商先後送上兩枚名錶作生日禮物，問可收到「好朋友」熊黛林（Lynn）的禮物，城城笑住說：「唔講啦，我公司同事送咗生日蛋糕，（有冇人送肉嘴呀）？咁香艷，我冇呢份福氣。」
談及Lynn又被影到「攻城一小時」，城城驚訝說：「嘩！唔講呢啲，我都知娛記嘅苦衷，多謝關心。」城城多番強調不談工作以外的事，又發表金句：「兜嚟兜去又兜返嚟（講緋聞），好似揸車蕩失路咁，你（傳媒）生日送衞星導航。」問他何時公開戀情，城城就話不是公開與否的問題，但欣然接受鑽石王老五的美名，還加封自己為「玫瑰金鑽石王老五」。
獨吞十隻大閘蟹
城城「自動導航」講杭州演唱會，問他Lynn可有來探班，他連自己都「兜亂」說：「講工作又唔聽，工作上嘅嘢，我唔答。」他重申在杭州時，得大會送上廿隻大閘蟹，自爆「勁料」說：「我將一半（蟹）送畀另一個人，佢……就係張叔平，（仲有另一半呢？）喺我個肚，sorry。」
另外，城城表示忙於和鄭伊健宣傳《風雲II》，他祝伊健個唱成功。《風雲II》初定拷貝日前在新加坡舉行試映場，各片商對片中的特技片段感神奇。
採訪：音樂組