早前Kama火速狠撇緋聞富家子Terry，雖然她曾被指靠「有米」男友上岸唔撈，但今次斷「米路」後，心情卻絲毫無損，最近還壯志雄心進軍台灣。然而經此一役後，Kama領悟親情緊要過愛情，正積極為家人打算，有意搬屋的她據知已儲夠首期。

日前戴上帽子的Kama趁在閒日下午較少人的時候，相約地產經紀秘密睇貝沙灣的千萬元豪宅。當日穿上熱褲騷長腿的她一會合經紀後，即急住聽經紀講解環境及價錢；在睇樓期間，又不時講電話，似乎要急住遙報進度。在離去時，她又細心地觀察專線小巴路線，再去超市買飲品，果真是慳妹一名。翌日，她再獨自行街買衫，全數自己付鈔，無男人一樣生活寫意。

果然是人望高處，Kama自得其樂，不靠男人。	Kama睇樓期間，於管理處打聽物業詳情。	睇完樓後，Kama乘車離去。

收入勝去年

對於秘密睇樓，Kama承認有意搬屋，她說：「依家住土瓜灣喺港島做嘢唔方便。（睇中貝沙灣？）貝沙灣都係心水之一，而且仲可以養狗，但就會租多。」她笑言今年收入比去年好，而且家人幫手理財略有進帳，難怪睇定豪宅了。

文：專案組