旺角向來旺車旺人，以往在旺角舉行的宣傳活動必然萬人空巷，除令鹹豬手有機可乘外，近月發生的掟鏹水彈事件亦令旺角對於藝人來說更添「危機四伏」。但為收宣傳之效，趙碩之、江若琳、周秀娜（Chrissie）、周柏豪及組合Square成員何尚謙（James）等前日下午不惜「殺入險地」瞓身宣傳，在旺角行人專用區宣傳寰宇新片《關人7事》。身穿低胸圓領衫的碩之，跟Chrissie無視「鹹豬手」危機，齊以熱褲上陣。

James一馬當先走在前方，難怪對趙碩之的「導彈」零感覺。

江若琳十分懂得保護自己，以海報擋在胸前當盾牌。

James逼住「博懵」

原本電影公司還安排眾演員戴上手銬後遊街示眾，不過由於現場有近三百名圍觀市民及記者，即使電影公司已派出十數名工作人員及輔警維持秩序，場面仍然混亂，故為演員們戴上手銬後便匆匆腰斬活動。雖然活動只有短短十數分鐘，但一眾演員已受盡折磨，除被逼至面容扭曲，江若琳更被嚇得全程以海報護胸，但「顧上失下」，小腿卻慘遭抽水，Chrissie則自爆遭怪手襲擊！

相反全程大方攤開胸口的碩之，受訪時揚言沒被博懵，她笑言由於與同行演員逼得太「近」，身體接觸在所難免，並自爆混亂間遭James背脊襲胸，可惜對方卻「零感覺」，她說：「佢唔知？無計啦！一路行feel唔到嘅。（益咗James？）佢都話feel唔到咯。」問她為何明知人多還要穿得如此性感？她自辯謂：「我衫領都唔係大，唔同人着有唔同效果，如果領細會着得我好肥。」而James則對「胸襲」了碩之都不自知而感內疚。

趙碩之：好驚呀！好多人想摸我！（設計對白）

James：佢哋好似想摸江若琳咋喎……（設計對白）

柏豪遭紙皮扑頭

江若琳受訪時坦言驚魂未定：「我好驚呀！太混亂喇！我都驚畀人淋鏹水呀！未試過咁多人，我都特登將海報放喺心口，好彩有柏豪喺後面護住我。」她更自爆柏豪同樣「受襲」：「我畀人摸小腿，柏豪都畀人掉紙皮！」在旁的周柏豪笑言：「當中獎囉！今晚去買六合彩，其實可能啲人諗住掉江若琳，但掉錯咗啫！」雖然江若琳覺得於鬧市宣傳能奏效，不過她亦寄望下次的保安工作能升級，更因太逼而頭痛，大呻辛苦。

文：影視組