袁詠儀（靚靚）前晚擔任節目《至八女人心》嘉賓，跟汪明荃、鄭裕玲、曾華倩大談私己錢，靚靚說：「講唔上好多，應該有嘅就有，但絕對係自己搵，唔係打斧頭㗎！老公畀幾多咪使幾多囉！我哋大家都唔知對方有幾多。」對於有指她以拍《72家租客》作為交換「視后」獎項的條件，並「釘死」曾與張智霖傳過緋聞的佘詩曼，靚靚笑言：「以我哋嘅性格，可能做到朋友，只係冇機會啫！（有冇興趣做視后？）問得好，本來冇，既然咁寫點解唔攞？不過我講明台慶頒獎禮我唔喺香港，會唔會唔嚟都可以攞視后呢？哈哈哈！」