吳雨霏（Kary）昨日以大使身份與惠英紅出席「優質『正』印」活動，對於「金牌一姐」鄧麗欣升呢購買60萬頂級保母車，Kary說：「唔知，買車係開心事，恭喜佢，反而我想買樓多啲。（築愛巢？）唔係，想學獨立，我連洗衣機都唔識開，又唔識煮飯同燙衫。」問到網球王子男友Brian有否投訴她？一聽到男友名字的Kary多次冧笑說：「唔關佢事，係想有自己空間，唔好講佢啦。（會唔會想結婚？）唔會。（男友幫手供樓？）一定唔會。」
而惠英紅自爆前晚收到無綫通知有份角逐「最佳女配角」，她說：「有份角逐已經好開心，不過我憑《心魔》角逐金馬獎最佳女配角，會同章子怡一齊爭，已經第四次角逐金馬獎，都期望得獎。」
