鄭融在新片《關人7事》有破格演出，以性感小野貓造型演繹一名女同性戀者，更與江若琳師妹陳楚喬有濕吻戲，相當激情。
鄭融在寰宇新片《關人7事》中有突破性的演出，戲中飾演一名女同志，並以性感小野貓造型示人，加上手臂畫滿紋身，十分有自我個性。戲中她更是一名花心女，除了俘虜了陳偉霆的心成為裙下之臣外，亦先後與趙碩之和寰宇新人陳楚喬（Carolyn）有一段情。
心卜卜跳
鄭融更獻出了銀幕上的初吻，與陳楚喬更有一場濕吻戲。事後鄭融說：「我係做一個同性戀者，對我嚟講係一個大挑戰，尤其同Carolyn錫嗰場戲，初時都有內心掙扎，唔係擔心唔衞生同尷尬，而係擔心做得唔好。嗰場戲仲要我做主動，好彩導演彭發畀咗好大信心我，而Carolyn拍完都話有心跳嘅感覺。」鄭融笑言平時與女仔都玩得很埋，但都不會玩到親嘴那麼親密。
溫柔撫摸
陳楚喬首次演出電影，便要被安排與鄭融接吻，坦言有點尷尬，她說：「拍攝嗰場戲鄭融要好深情咁望住我，又好溫柔咁摸我，搞到我臉都紅晒，我咁大個女都未試過同女仔有咁親密嘅接觸，所以NG咗好多次導演先收貨。」她表示作為新人有機會演出已很開心，希望觀眾滿意她的演出。《關》片還有江若琳、陳偉霆、周柏豪、徐正曦、何尚謙、小肥等人演出，陣容強勁。
文：影視組