盛傳再度懷孕的張栢芝，日前被本報獨家拍到腰圓面脹，與老公謝霆鋒晚膳。昨日霆鋒出席講座時，不怕胎兒未滿三個月「小器」的禁忌，親口宣布喜訊，直認栢芝懷孕兩個多月，但就否認是孖胎。
本報日前獨家拍到霆鋒、栢芝和愛兒Lucas到酒店晚膳，栢芝身形圓潤和脹卜卜，更以背囊遮肚，又不敢抱Lucas，身為老公的霆鋒曾表示：「女性身體有變化係真。」來形容栢芝身形，令栢芝懷孕傳得似層層。
唔怕胎兒小器
霆鋒、導演陳德森和《喜羊羊與灰太郎》總策劃蘇永樂，昨日出席灣仔藝術中心舉行的「藝術與電影」講座，與在場逾百師生及校長交流心得。
對於栢芝盛傳有喜，霆鋒終難掩再為人父的喜悅，更不怕胎兒「小器」，坦承栢芝懷孕兩個多月，他笑說：「明確啲啦﹗（係咪有咗？）係呀，唔好煩呀。（孖胎或龍鳳胎？）唔係，（仔定女？）未知。」霆鋒又表示前日亦有抽空陪栢芝睇米高積遜紀錄電影。
抽時間陪老婆
霆鋒將投入電影工作，起碼拍到明年五月，問到會否陪不到栢芝生B？他說：「唔會嘥咗部戲，導演會遷就，亦會抽時間陪佢，佢了解我嘅工作。」
及後他被問到兒子Lucas是否知道媽咪「有咗」？他說：「他才兩歲。（你想要女？）冇所謂，健康就好。」至於會否陪太太入產房？他說：「暫時唔好講，拍戲拍到明年，大概五月。（繼續生？）這是她的決定。」
另外，本報披露霆鋒拍英皇電影《綫人》（前名：《線人》）將要剃光頭演出，他坦承：「係呀，冇計啦，我係演員，唔係一個Model。」他又說：「同大哥（成龍）嗰部《新少林寺》都要剃頭，但中間有一部電影傾緊，到時可能要戴頭套拍。」
文：專案組 攝：李廣成