Joey、古巨基昨日率領一眾英皇歌手齊集澳門，跟陳奕迅（Eason）、謝安琪及黃宗澤（Bosco）等多位歌手為《翡翠歌星賀台慶》錄影。Joey表示前晚已抵達當地，但因酒店房間的冷氣太凍，令她不時流鼻水，她更笑言：「頭先見Bosco戴口罩，已經認住佢用邊支咪，盡量唔攞嚟用。」

Freeze繼續性感打扮，成員甄穎珊（中）更巧遇舊愛黃宗澤。	HotCha與陳偉霆（前排中）及狄易達（前排左）在台上載歌載舞。	陳奕迅跟胡琳（右）合唱。

同情敵有偈傾

Joey於節目上會跟Eason合唱李克勤的《Victory》，更一早背熟歌詞，但她怕會被Eason影響甩嘴。而她又會跟楊千嬅互唱對方歌曲，她說：「平時我有唱開千嬅啲歌，識晒。（點睇謝霆鋒又做老竇？）前兩日見霆鋒肥咗，可能張栢芝養胎之餘養肥埋佢，佢飽滿咗仲靚仔。」主持鄭裕玲（Do姐）在台上論盡圈中不少緋聞情侶，期間突然指住Joey表示：「最冇用係你，傳嚟傳去都係『C君』同『唐老鴨』！」農夫成員C君即彈出來說：「係咪講緊我？」令全場爆笑。

問到Eason可會步霆鋒後塵再做老竇？他說：「唔知呀！」而Eason雖屢與謝安琪傳緋聞，但昨日在後台就與「情敵」張繼聰有傾有講。

至於古巨基昨晚打頭陣出場，帶領新舊歌手唱出八十年代懷舊經典金曲。記者指他甚有一哥風範，他即謙虛表示：「唔好咁講，都係盡力而為。」問他到澳門有否去賭場玩時，他直言：「冇喎！自己唔會賭錢，尋晚到埗都係同啲同事出咗去食嘢。」

另外，昨日有不少過氣及緋聞情侶同場，包括張敬軒及王菀之、Bosco與甄穎珊等。