楊千嬅、謝安琪（Kay）、鍾嘉欣、鄧麗欣、方力申、戴夢夢、吳雨霏、鄭融、王菀之、G.E.M.、Freeze等，昨晚盛裝出席《翡翠歌星賀台慶》踏紅地氈進場，當中以千嬅、王菀之的低胸裝最性感，鄭融跟Freeze不約而同穿上露肩裝，Kay雖則只露單肩，但一頭突出髮型頗為搶鏡。
金牌大風旗下歌手鄧麗欣、方力申、吳雨霏等人行紅地氈時姍姍來遲，小方解釋因乘大會安排的大巴到場，但司機誤以為齊人開了車，結果他們要等第二輪車來接載，小方笑說：「以為嚟到行完咗，差啲紅地氈都捲走埋。」
低胸性感的千嬅露出黑Bra，她笑說：「打晒底，自己個胸唔夠用，離咗少少。」她會唱容祖兒的《華麗邂逅》，並自爆這首歌推出時跟老公丁子高初相識，千嬅笑說：「覺得首歌好sweet，同丁生去唱Ｋ時都有唱。」對謝霆鋒宣布太太張栢芝再度有喜，千嬅戥霆鋒高興，她說：「咁開心，好喎。（請教佢？）係都唔係我請教，叫Eason（陳奕迅）先，佢係時候追多個。」千嬅覺得生ＢＢ是天賜的禮物，但目前工作要緊，享受二人世界，過幾年才生ＢＢ。
