【衞紫敏、林楠澳門直擊】夢夢此行到澳門是參加《翡翠歌星賀台慶》演出，昨午在女助手陪同下到鏡湖醫院急症室求診，戴上墨鏡的她難掩蒼白臉容，一臉痛楚。

感冒衰食魚生

夢夢表示自周三（28日）到澳門綵排後，已入院三次，甚為不適，她說：「27日晚喺香港綵排完，當時已經有啲感冒，諗住冇乜事，收工仲同啲朋友去食日本嘢，見到啲魚生都冇戒口。第二日嚟到澳門，喺酒店已經屙咗三、四次。」

夢夢即到醫院求醫，醫生指是腸胃炎，打止痛針後，她又繼續綵排，但期間又隱隱作痛兼肚屙，惟有綵排後再到醫院檢查：「醫生話冇辦法，腸胃炎係咁，仲話我夜晚可能會發燒！」當晚夢夢果然發燒，但前日醒來時已無大礙。

戴夢夢因饞嘴食魚生致腸胃炎，三度入鏡湖醫院治理。	拿了大堆藥，夢夢乖乖食藥。	放大圖片

死頂勁歌熱舞

本以為藥到病除的夢夢，昨日綵排時再感不適：「排排吓又頭痛，但係唔想人哋知我辛苦，唔想影響進度，所以冇出聲，Do姐、陳奕迅都企晒起身排，我唔好意思要坐低。」最終夢夢捱不住頭暈腸痛不適，三度到醫院求診，因她在盆骨附近感劇痛，醫生表示最壞有可能是盆腔炎，她說：「盆腔炎係婦女病，醫生話要我返到香港再Check。」留醫吊鹽水數小時後，夢夢急急出院趕返場地準備，化妝時面對記者則堆起笑容，但見她左手仍貼着膠布。

因化妝師曾患盆腔炎，結果要留院一個月休息，夢夢經理人Angus甚為擔心，要求她退出表演，敬業樂業的夢夢說：「人又嚟到、醫生又睇咗，出唔到電視咪好唔抵！而且排咗兩個星期，唔想白費心機，都唔知點解咁黑，又屙又發燒仲生眼挑針，好在化妝都遮到。」雖然帶病上陣，夢夢仍穿上低胸晚裝，行紅地氈時強裝輕鬆，更刻意多塗胭脂掩飾倦容！之後更聯同王菀之、鍾舒漫、陳偉霆等大跳懷舊舞，落力演出。

一身性感打扮的夢夢，被攙扶下強作精神去行紅地氈。	戴夢夢（左）死撐笑住扮無事，與李蘊（中）及鄧紫棋拖手同行。	夢夢（右二）強撐上台熱舞一番。