「視后」雖在十二月才誕生，但近一個月已成熱門話題，大熱鄧萃雯揚言對手不止佘詩曼、楊怡，似當二人冇到，阿佘亦大讚雯女、楊怡演得好，但自己也想過要贏，更大呼有得參選十分過癮。
《巾幗梟雄》大收，外界視為勁敵的《宮心計》也愈戰愈勇，上周收視平均33點升1點，最高35點，觀眾人數超過222萬，前晚重陽假期一集劇情講到尚宮局被徐媽媽陷害，收視平均37點，最高更達41點，而最高收視一刻正播映三好、金鈴、高大人猶如夜審郭槐般扮鬼嚇徐媽媽招認陷害尚宮大人。
收工捱夜追劇情
主角之一的阿佘對好收視感到很開心，多謝觀眾喜歡這套劇：「我雖然趕緊劇，但夜晚收工無論幾夜都會上網追番劇情，喺街拍外景好多人追問劇情發展，我唔肯講叫佢哋追。」
劇集出街才第二個星期已如此受歡迎，阿佘可想過再做「視后」？她說：「比賽得梗係想贏啦，係咪一定贏冇人知，總之享受個過程，好過癮。」
廣管局接四投訴
對於雯女另睇好毛舜筠，似當阿佘及楊怡冇到，阿佘說：「唔知呢件事，套套入圍劇我都有睇，個個都好，雯女好好，我同楊怡合作都有火花，郭可盈喺《富貴門》都好有新鮮感，不過我唔會畀自己太大壓力，邊個攞都開心。」阿佘謂現在人人都叫她「三好」，故最大心願是收視可破《大長今》紀錄。
此外，廣管局共收到《宮心計》四宗投訴，觀眾批評內容勾心鬥角意識不良，應加上家長指引用句及被指抄襲韓劇等。
文：影視組