官恩娜（Ella）出席公開活動忽然「漂白」，她對於記者發現她的改變顯得相當雀躍，且坦言有感一白可以遮三醜，且順勢大談護膚之道：「我得閒就搽美白cream，瞓覺用頸巾、手套同襪包實，等可以吸收啲。（男朋友鍾意？）我想大家鍾意就真。」她又自爆知道膚色可以改變個人運程，雖未有正式向相士求教，但Ella開心謂：「變白後好似幾好咁喎，依家拍緊電視劇都忙到天昏地暗。」
同場的賈曉晨（JJ）則否認拍《我要做o靚模》期間，與趙碩之鬧不和：「戲裏面我嘅角色cool爆，所以成日粒聲唔出，個記者係咪影到我拍戲嘅情形，所以話我黑面咋？」
