寰宇電影《關人7事》發生涉嫌抄襲事件！繼早前寰宇老闆林小明及《關》片導演彭發聯手炮轟遭美亞電影《死神傻了》抄橋後，《關》片的其中一款宣傳海報，竟被指抄襲西片《絕點緝兇》的宣傳海報。不過寰宇其實亦是受害者，更將會對相關設計公司採取法律行動。
寰宇電影《關人7事》雖然尚未上畫，但卻是非多多，今次被指宣傳海報照抄西片《絕點緝兇》，其實兩款海報確有不少相同之處，除了同樣以「陰影男」打底、再key上眾演員的大頭照作主相外，「陰影男」所持的武器亦大同小異，《絕》片的「陰影男」手持手槍，而《關》片的「陰影男」則手持滴血利刃。
另外整張海報的排版及設計亦極為相似，除了「陰影男」的分格格式相近外，就連電影名亦同樣「坐落」在海報右下角，被指抄襲實在無可厚非。
設計外判
不過寰宇電影公司發言人則表示，對抄襲一事事前毫不知情，並將會向設計海報的公司採取法律行動：「啲宣傳海報係交畀外面嘅設計公司搞嘅，電影公司同導演只係負責審批，絕對唔知抄襲嘅事，我哋絕對唔會用另一套電影嘅海報當做自己電影嘅海報！」至於導演彭發，亦對事件大表無奈：「發生咗咁嘅事好唔開心，我都需要負上部分責任，審批過程應該小心啲。」
創作誠意
女主角江若琳則對海報抄襲一事毫不知情：「係咩？呢啲嘢都係交番畀大人處理啦！不過我好有信心套戲嘅內容就一定唔會似任何戲！因為我同彭發導演合作咗咁多年，對佢好有信心，大家只要入場就會見到我哋成班人對創作嘅誠意！」
文：影視組