謝安琪（Kay）前晚出席新城慈善唱K活動，表示最近一次唱K已是年多前與公司慶功。講到張繼聰稱幾年前和她唱K，Kay說：「唔算呀，當年為咗趕出騷，同阿聰、周國賢落咗間K房，搵插頭畀髮型師幫我哋整頭。」她笑笑續說：「佢係咪記錯？我全冇記憶，返去問佢究竟同邊個唱？」
對於與陳奕迅的合唱歌《青春無晦》被指抄襲外國樂隊Nirvana的《Smells Like Teen Spirit》，Kay謂：「一啲都唔似，呢首歌係為慈善創作！（你哋走埋一齊就有是非？）所以希望大家留意番首歌，依家好似將件事嘅方向搞歪咗。」
