楊千嬅和張繼聰昨日出席禁毒活動，在台上以傾談形式，聽取一班年輕人吸毒及戒毒經過。提到有傳她不續約Amusic，令梁詠琪乘勢以三折賤價入Amusic？千嬅即說：「吓…未聽過喎，有新意，呢啲都係無聊傳聞。（幾時約滿？）到出年生日先約滿，我仲有兩部戲要拍，拍完先傾。」問她公司有新成員加入可影響續約成數？千嬅表示：「冇影響，依家諗嘢唔會只諗自己，會諗埋家人同埋生理時間，除咗唱片，自己對演戲都有濃烈興趣。（合約會唔會預埋生仔時間？）生仔唔會係一、兩年嘅事，要享受二人世界。」不怕遲生？千嬅笑言：「我會睇住副『偈』嘅到期日嘅。」