鍾舒漫（Sherman）的新歌《給自己的信》好評如潮，但她未打算因此而轉走抒情歌曲路線，相反在「休養期」仍積極備戰，跟「大胸男」導師學伸展筋骨高難度運動，令身體變得更柔軟，以最佳狀態再以「舞功」會歌迷。
初出道的Sherman被英皇銳意打造成為新一代跳舞女王，不過出道三年，推出第四張專輯的她，今次搞搞新意思改唱慢歌《給自己的信》，雖然大受歌迷歡迎，但愛舞的她，依然醉心舞蹈，覺得現改唱慢歌，也不容自己身體狀態有半點鬆懈。
身體靈活敏捷
日前Sherman就跟來自北京的健身導師學習健體修身運動，穿上小背心的她，雖然是第一次上堂，但因有跳舞底子，故身體靈活敏捷，做一些難度動作，如跪地再加「朝天腿」、瞓身提腿成九十度角等，統統都難不倒她，當做一個向前烏身按膝的動作時，Sherman酥胸半露，相當性感。靚仔導師見Sherman做得似模似樣，都大讚她身體柔軟，惟平衡力不足，着Sherman加緊練習，多做健身運動，除可以消除因跳舞而引致的肌肉疲勞外，還可以塑造完美曲線，令她變得更靚。
跑步練氣尷尬
Sherman覺得跳舞如練功同樣「不進則退」，故她平日都會勤做運動練身手，她說：「我一得閒就會落街跑步練氣，不過就唔係幾方便，因為啲男仔見到我時，會大叫：『鍾舒漫呀……』，我其實都聽見，不過唔知應唔應好，惟有扮聽歌裝聾囉。」
採訪：音樂組 場地：Yoga Yoga