吳日言（Yan）最近與歐陽靖主持《Cooking媽嫲》，大獲好評，原本只拍到第二輯，但反應理想，早前收到通知再拍第三輯，令Yan喜出望外，她笑說：「好surprise（驚訝），我唔敢開口講加人工，我好鍾意煮嘢食，係入得廚房，而且主持節目後，仲學煮咗好多餸。」
Yan更透露明年有意出烹飪書籍，她說：「打算情人節推出，好多人成日話香港女仔唔識煮嘢，又話有公主病，其實港女都有好嘅一面。」
Yan目前沒有拍拖，至於有否追求者，她笑稱：「每年我都會八卦吓啲桃花運程，上年相士話我有霧水桃花，咁確實我又識咗好多朋友喎。」談到與Dear Jane成員的Jackal曾傳緋聞，Yan帶笑否認：「梗唔係啦，佢係我音樂上嘅師傅，佢教我打鼓。」