Elanne、周柏豪、陳柏宇（Jason）及方皓玟日前為「生還者」ＤＪ招募計劃擔任評判，參賽者中有人自稱是職業G模，又有人不停賣口乖自稱是柏豪的歌迷，大讚對方靚仔，令同場方皓玟都忍不住阻止，更笑言：「好喇！交友會要結束喇！」

江若琳	參賽者即場進行面試，有人自稱是柏豪fans博加分。

外表好緊要

事後柏豪表示不會因為「歌迷」的關係而加分，他說：「我好公正㗎，（如果係靚女呢？）外表的確係好緊要，我第一次接觸都係個樣先，不過我覺得如果班參賽者唔識得爭取機會去表現自己，就算幾靚都冇用。」

談到以前的電台節目，Elanne表示最欣賞聲線磁性的ＤＪ，顏聯武就是其中一位。她說：「以前好興打電話上電台示愛，我冇試過喎，一陣畀爸爸媽咪聽到咪死！我唔會咁蠢嘅。我最多都係打上去點唱，當年畢業好唔捨得大家，就點Cookies首《Forever Friends》。」

新戲講粗口

至於方皓玟透露將參與拍攝彭浩翔執導的電影，要扮演食煙又講粗口的粗魯女人，她說：「我本身唔講粗口又唔食煙，所以今次真係好多嘢都要學，連點樣拎煙都有技巧。」

文：音樂組