本文重點
懷孕三個半月的徐淑敏（Suki）昨與莊思敏齊齊出席《Blythe8週年Fashion狂熱展覽@海港城》活動，即將初任媽媽的Suki更拖着小女孩出場，感覺溫馨。雖然尚未驗證腹中塊肉的性別，Suki卻恨女恨到口水流，談到奶奶計劃送車獎勵她，Suki即謂：「我唔知道，最緊要係大家相處開心，So far都好好。」Suki繼續腳踏高跟鞋，腰部明顯已變得硬直，上胸亦升cup，她透露已增肥十多磅，打趣已不敢叉腰企怕露出「肚腩」。
為姊妹牽紅線
由於場地所限關係，Suki只能趁下月男家擺酒期間，「搭單」幾圍宴請舊同學及好友，最近她開始忙於四出派喜帖。談到未婚夫找來不少帥哥擔任戥穿石，Suki即謂：「我都搵咗呂慧儀、馬賽同沈卓盈等做伴娘，都想幫佢哋牽吓紅線，但有時啲嘢好難嘅，惟有順其自然啦，如果有需要都可以同我講，我會即刻做嘢。（咁邊個dry得耐啲呀？）唔知喎，佢哋個個都容光煥發。」
文：影視組