寰宇新人、江若琳師妹林司敏（Ciwi）十分喜愛收藏，家中儲了一大堆不同類型的心頭好。先看看她的「公仔箱」，入面全部都是她心愛的毛公仔，她說：「我好喜歡鴨仔，不過有時會花心，見到其他得意嘅卡通人物嘅毛公仔，都會忍唔住手買埋，所以儲儲埋埋好多，全部放晒入櫃，其實仲有一部分已經收咗入箱。」
另外，Ciwi亦有自己的工作間，就是她的電腦枱位置，並掛滿了不同的相片、明信片和各款飾物，她說：「我好多時間都會對住部電腦做功課同搵資料，唔好以為掛住啲唔知係乜，其實好多都係有用嘅資料。有時開工夜咗返屋企，媽咪就會喺度留字條畀我，真係好窩心o架。」
