唐素琪、鍾嘉欣及華納新人周子揚日前出席關懷長者活動，雖然三人皆是新潮仔女，但原來都十分喜歡與長者交流。唐素琪自幼已喜歡與長者接觸，她說：「我爸爸七十幾歲，不過心境仲好後生，同佢零代溝；爺爺在生時，我好鍾意聽佢講後生行船嘅故事，後來我仲做義工陪長者睇醫生，當時諗過做社工㗎，第日有機會都會讀吓相關課程，想繼續幫人！」
至於鍾嘉欣憶述當年做義工難忘事時稱：「喺溫哥華探訪過老人院，有個老人家捉實我隻手，問我會唔會再嚟探佢，嗰時唔識點答，啲社工就叫我唔好答，因為應承咗而去唔到，啲老人家會好傷心，聽到嗰刻真係好無奈。」
