Fiona的中文程度有限，她自爆真正領悟到新碟歌曲《蘇州河》的意思時忍不住狂喊。事緣Fiona錄音前要求填詞人林若寧、監製給她逐隻字解構，經過首日錄音只了解片面，到翌日領悟歌曲真意，她竟忍不住喪喊，Fiona憶說：「首歌係講一對情侶分手後，個女仔迷失咗自己，呢樣係最悲哀！」

為愛犧牲

屬獅子座的Fiona直認敢愛敢恨，她曾嘗在愛情世界裏「迷失」，她表示：「時間係沖淡唔到真愛，如果一個男仔係愛你，係唔容許你咁傷心。」

雖然經歷過傷痛，但將來會否重蹈覆轍，她坦言：「都唔知，盡量啦。」揚言永不放棄愛的Fiona有感而發：「搵人拖吓錫吓好容易，但要搵個佢愛我，我又愛佢，仲要長久係好難，不過我唔會放棄，如果找到真愛，甘願為愛情放棄一切。」

不忿被屈

在Fiona的感情世界裏，大家總會將她與緋聞男友房祖名、方大同扯上關係，她不下千次否認，最初更因為被「屈」而激到喊，她說：「依家唔會再喊！慳番啲眼淚，因為明白呢啲係花邊新聞，我哋唔會因緋聞而影響友情或避忌。」事實上，Fiona坦言跟大同比祖名還熟落，兩人經常煲電話粥，無所不談。

文：音樂組　

攝：黎志輝

Hair：Jo Lam@VIA IL COLPO

Makeup：Jessica Chan

場地：LUX＠蘭桂坊