葉翠翠近半年迷上繪油畫，除了完成讀設計的心願，還借畫畫撫慰心靈，尋找快樂，現正為處女作埋頭苦幹，她說：「畫畫係好開心，畫嘅時候唔使諗其他嘢，過程好快樂，依家一星期去畫兩、三次。」

去年翠翠被傳整容、炒股買樓、與袁彌明不和，矛頭處處直插她，事業陷入低潮，但她反而覺得是磨練，她認為沒有去年經歷，或許今日依然是迷途羔羊。

家人最緊要

她續說：「現在人生觀改變咗，以前覺得做嘢係最重要，依家覺得家人勝一切。上年去咗英國一段時間，喺一個退休人士身上學到簡單生活先令人快樂，可以係悠悠閒去做GYM、行吓街，又或者煮吓嘢食，唔再係盲目去追逐工作，以前係迷迷哋，依家已經清醒番。」

翠翠指現時對各種報道也不介懷，她說：「有次同媽咪去Soho食飯，畀人影咗相，以前會好介意畀人偷影，唔知會寫啲乜嘢，依家覺得開心最緊要，同埋有咩未畀人寫過呀。」

採訪：影視組

攝影：劉智源

服裝：BCBG

場地：馬哥孛羅太子酒店