本文重點
呂慧儀今年「升呢」成人氣花旦，除做導師o靚模行catwalk外，最近更接拍了一部鬼片，將與「出位女神」周秀娜大鬥演技。
呂慧儀最近接拍羅守耀執導新片《惡胎》，將與周秀娜大鬥演技。她透露戲中飾演一名孕婦，意外失掉BB，而死胎竟然變成惡鬼，弄得滿城風雨。她說：「角色裏面我只係負責生仔，所以唔使拍啲恐怖鏡頭。（怕唔怕拍鬼片遇到古怪事？）自己係教徒，唔信啲鬼怪嘢。」她直言多年來亦從未慶祝過萬聖節。
呂慧儀近期「升呢」做模特兒公司的導師，她自言會用循循善誘方式教導學生，她說：「我以前跟張天愛學行catwalk，佢好專業，教識我好多做模特兒入門工夫。（擔唔擔心學生難教？）唔怕，我唔會亂鬧學生，會畀多啲耐性教大家。」對於早前o靚模充斥市場，呂慧儀冇有怕說：「唔驚，大家市場都唔同。」
遊日本花六位數
此外，呂慧儀早前趁空檔去日本掃貨，她興奮地說：「早前難得有假約咗班朋友去日本玩，吃喝玩樂玩足五日，好開心。」不過，最近日圓狂升，她嘆氣說：「係啦，我有位模特兒朋友去咗日本發展，仲教我去到日本機場先兌錢，點知高到9.39，真係嚇死。」最後她花了近六位數豪玩一番。
文：專案組 攝：沈健程
化妝：Emily Ng
（emilyng@hotmail.com）
髮型：Steve Shek@HAIR