《勁歌金曲》於前晚錄影，阿Sa、胡杏兒、張智霖等皆有出席，阿Sa甫見記者即大呻疲累，她說：「啱啱先喺內地返香港，拍王晶套新片，拍咗五日四夜，日日都拍十五至二十個鐘，好似拍咗成個月咁。」

搵阿嬌助手幫忙

阿Sa續表示由自己出道已開始跟她出入的助手近日亦表示工作量太多，向公司請辭，阿Sa說：「我都挽留緊佢，依家放佢兩個月長假先，再叫公司加人工畀佢，我同佢感情好好，佢一個人跟晒我所有工作係幾辛苦，呢兩個月真空期我要叫住阿嬌（鍾欣桐）個助手幫手，如果同阿嬌撞咗工作時間就要靠自己！」

另外，胡杏兒前晚亦以黑色透視裝性感現身，當有記者以閃光燈拍照時，更見她透現黑色胸圍，杏兒笑言：「我都做足晒安全措施㗎喇，不過係冇用閃燈試過咯！」有報道指她自薦在新片《72家租客》中與緋聞男友黃宗澤飾演一對，杏兒似對報道頗為介意，並急急表示：「我要澄清一下冇自薦，工作一向公司安排，希望呢啲新聞唔好有下次，對我唔係咁好！」

胡杏兒前晚穿上黑色透視裝，性感現身《勁歌》錄影。	張智霖被胡杏兒的性感打扮吸引，個不停。	張智霖

張智霖造人隨緣

另袁詠儀早前因被記者追問與老公何時再造人、情急之下以不想榨乾老公為由解圍，張智霖提及此事時即笑謂：「咁好笑？有排都未榨乾我呢啲壯男！（有冇打算生多個？）隨緣啦！」

文：影視組