剛於本月二日與老公劉建浩（Alex）結婚一周年的「潮媽」Kelly，昨日應邀出席「新婚生活易大賞2009頒獎典禮」，同場還有鍾珍、陳沛嘉出席。身穿跌膊連身短裙的Kelly露出一雙修長美腿，身形fit爆。Kelly表示跟Alex已是老夫老妻，故結婚周年並沒有互送禮物，寧願留在家中弄兒為樂，Kelly說：「都識咗咁多年，最大份禮物係我送咗個仔畀佢！」

陳沛嘉盛裝打扮出席頒獎禮。

Kelly派囍餅給一對新人。

跳完大覺瞓

Kelly更自爆「蝦餃仔」聽她的快歌時勁high，她說：「我喺屋企播自己啲快歌，佢聽到就好high，係咁fing手fing腳，仲跣住咁跳Moon Walk，佢第一次跳舞，但我就好驚佢跌，所以抱得好實！」Kelly又說最初播Beyonce的歌時「蝦餃仔」沒有反應，但一播自己的歌，「蝦餃仔」即跳個不停，她說：「我播咗三首歌，每首三分幾鐘，佢跳咗成十分鐘，真係好氣過我，不過佢跳完即瞓！」

嘆冇晒私隱

另外，Kelly日前被狗仔隊偷拍得家中生活情況，令她慨嘆欠私隱，Kelly表示：「唔怪得之前有警察㩒門鐘問我哋係咪有人闖咗入嚟，原來係啲記者觸碰到電欄，依家已經加多咗鐵欄！」猶有餘悸的Kelly表示：「好彩冇喺花園餵奶，唔係就好核突同冇晒形象！」

採訪：音樂組