袁詠儀（靚靚）昨連走兩場，先出席《72家租客》開鏡，再會合苟雲慧出席護膚品活動。靚靚被追問護膚心得時，竟伸延到「御夫術」，她說：「兩夫妻無論內外都要同步，我老公咁年輕，我梗係要努力啦。平時我唔幫佢護膚，仲鼓勵佢出去玩通宵，特登整殘佢。」
談到其主演的《富貴門》口碑不及《宮心計》，靚靚謂：「我已經拍完，所以可以話唔關我事。不過我對套劇都有信心，大家畀多啲時間啦。（話薛家燕演技誇張喎！）我反而覺得佢演得好好，因為佢個角色係歌女出身，係咁誇㗎。」她又否認與郭可盈不和：「我同佢有互傳短訊，唔通又話畀記者知咩？」
靚靚於《72家租客》扮演黃宗澤及鍾嘉欣之母，由於年齡相差不多，惟有在造型及打扮上落足工夫。