身兼《72家租客》監製及演員的志偉表示，故事講述香港精神及向《七十二家房客》致敬。他與學友於戲中飾演歡喜冤家，由六、七十年代鬥到現在。

打友情牌邀演出

不過志偉指學友初時辭演，最後要打「友情牌」說服對方。志偉笑說：「希望同學友有一套友情嘅代表作，角色一直屬意搵佢，想畀大家睇到佢另一面，做一個賤賤格格嘅小人物角色。其實佢都係做番自己，平時佢都好賤。」

有指邵氏早前電影《Laughing Gor之節》的製作費，大部分落在個別主角片酬身上。問學友的酬勞是否很吸引？他說：「我唔知有呢個背景，早知收貴啲啦，我都係收舊價。」

阿佘在戲中要裝「胸」作勢，扮演身材玲瓏浮凸的惡死包租婆，她被安排躺在房車上擺出誘人甫士拍照。問到可滿意「激凸」身材時，她謂：「都升咗呢㗎！不過我本來身材都OK，造型都係搞笑啫，喺戲裏面咩都突出。」

欣宜扮母親忐忑

而鄭欣宜則在片中將重演母親肥姐當年的上海婆，她說：「最初唔知要扮媽咪，心情都好忐忑，我會瞓身演出，又要濕身，連底褲都濕埋。」

另外，有傳與趙薇傳婚訊的大陸富商黃有龍向「舊愛」葉翠翠追收千萬分手費，翠翠說：「唔想講咁多。（因為分咗手﹖）都過去啦，係好耐嘅事，愈講多愈冇幫助。」她又指若婚訊屬實，會祝福兩人。

文：影視組