Kama昨日以性感Deep V造型出席公開活動，對於連日來的黑面表現大大破壞形象，問到有否影響工作量？Kama說：「唔會好驚、好擔心，希望繼續做好啲，以後少說話、多做事，努力啲工作。（幾時先有進步？）希望好快啦，我會努力。」Kama握緊拳頭，顯得甚為肉緊，她身旁的工作人員不時插嘴，解釋Kama年輕不懂事，並將會到台灣發展。Kama表示未知「發老脾」新聞有否傳到台灣，她說：「可能我有啲唔啱，點都好，我會做好自己，唔想諗咁多。」

Kama否認避開負面新聞而遠走台灣，更得戚表示已有幾份工作在手，提到她的身高不及台灣名模，她說：「行Catwalk我就真係未夠班，都會以平面廣告為主，性唔性感就要睇工作需要。」

劉心悠歡迎新同事加入，並與傅穎分享美容心得。	江若琳透露會買按摩椅賀媽咪生日，自己都可得益。	衣着惹火的美味天使一起出席活動。

劉心悠唔理傅穎私事

另外，江若琳、劉心悠、方力申、美味天使等亦有現身活動，劉心悠表示活動前在髮廊偶遇新同事傅穎，大家打招呼外，亦互相分享美容心得。提到傅穎加盟後即爆出新緋聞，劉心悠說：「呢個係佢私人事，我又唔覺得公司多是非。」

採訪：音樂組