Baby在日本時裝界甚吃得開，繼九月獲邀行Tokyo Girls Collections時裝騷後，前晚再出席在六本木Mid-Town舉行的Tokyo Fashion Week開幕派對行Opening，穿上設計師Suzuki Takayuki設計的服飾打頭陣出場，之後Baby以另一套服飾出場，甚至連髮型亦變換，凸顯地位不同凡響。

中村獅童對與黑木美沙的緋聞笑而不答。	Baby在後台與戴墨鏡的中村獅童合照。	Angelababy再次到日本行騷，更率領廿四名模特兒出場，認真巴閉。

身形合比例

同場的模特兒全部身材高挑，且不乏五呎十吋高妹，身高上Baby雖然輸蝕，但是穿上One Size的Show Piece仍然很合身，連排騷導師也讚Baby身形比例好，故無需要特別改衫，Baby說：「喺日本已有好多次演出經驗，所以一啲都唔緊張，我仲好興奮添！前一晚我仲同Kim（經理人）和avex同事一齊去睇Beyonce演唱會，大家跟住喺台下跳舞，叫到聲都沙，最難忘係Beyonce向MJ致敬一幕，好感人，我都忍唔住喊咗出嚟。」

為o靚模爭氣

在後台時，Baby與擔任男裝演出的中村獅童合照。中村獅童被追問與當紮女星黑木美沙的緋聞時，只笑而不答，貫徹作風。而土屋安娜雖然懷孕，但仍穿上高跟鞋，束腰服飾下，身材依然苗條。

Kim對Baby表現感到滿意，她說：「Baby行騷進步咗好多，行起嚟好淡定，我覺得唔錯，啲人成日話o靚模行唔到大牌子，今次就行畀佢哋睇。」Baby完成日本的工作後，今日便會飛杭州會合熊黛林為新戲開鏡。

文：名人組