謝天華與姚嘉妮昨日以「情侶檔」姿態接拍護膚品廣告，對台慶劇《宮心計》首播錄得佳績，天華戥該劇台前幕後高興，可推動無綫製作更多高質素節目。台慶亮燈夜他被指「靠邊站」，天華打趣說：「我唔覺得喎，話晒都企喺羅嘉良隔籬吖，對照番舊年亮燈張相，我覺得自己『升咗呢』，起碼企近中間少少。」又指無綫男藝員眾多，無可能以「疊羅漢」方式全部企中間。
天華又說有信心在台慶頒獎禮上得獎，因今年的成績表不錯：「唔知公司會唔會再蓋隻兔仔畀我呢？（約咗高層食飯拉票未？）有啲咁嘢咩？我係新人嚟唔知呀，最緊要係做好自己嘢同公司交代啫。」
有傳鄧萃雯寧在美國旅行也不返港出席亮燈儀式，天華替她講好話：「佢可能有緊要事做呢。」
