郭富城及吳澋滔前晚出席香港製作的動畫電影《阿童木》首映，除該漫畫作者手塚治虫的兒子手塚真來港支持外，朱玲玲與丈夫、樂易玲一家及張可頤等亦有出席。城城早前於活動上被問及戀事時，竟扯火兼黑面拒絕回應，不過前晚他卻態度軟化，當記者笑他所穿的紅衫是「熊」上身時，城城面露冧樣：「阿童木對BOOTS係紅色，所以我想有啲嘢跟番佢，但係覺得紅色BOOTS唔襯自己，所以着大會提供畀我嘅紅色背心。我冇諗咁多嘢，真係唔夠你哋講！」

熊黛林	朱玲玲與羅康瑞結伴出席。

十月圍城奏效

快將生日的城城，被問到屆時會否與熊黛林度過？他即再現冧樣笑謂：「唔講呢啲喇。可以為《阿童木》配音係一種光榮，所以希望推介畀好朋友及全香港嘅人睇。（推介畀熊黛林？）都會。（唔帶埋佢嚟？）唔會喇。」看來熊黛林這次飛到泰國上演「十月圍『城』」計劃甚為奏效！此外，王秀琳日前於上海出席時裝騷時，表示跟城城只屬朋友關係，至於熊黛林是否城城的女朋友，她則謂不太清楚。

張可頤多男友

張可頤被問到為何不與男友一同出席首映？她笑謂：「ABCDEFG你講邊個呢？有男、女朋友陪我嚟睇，但係佢哋唔想出鏡啫。（係咪拍拖影到嗰個？）唔係。」可頤表示年底將拍新劇《女人最痛》，飾演一名只有事業的中女：「同《敗犬女王》有啲似嘅，不過有咩對手依家就唔方便講。」

文：影視組