本文重點
陳偉霆（William）昨日以大使身份出席聖約翰救護機構125周年活動，親自示範急救程序，為人形公仔做心肺復甦法，他坦言心情比平日唱歌緊張，擔心有任何出錯會誤導市民，自細患有哮喘病的William表示小時候經常在街上暈倒，令他深知急救的重要性，希望有機會報讀有關課程傍身。
今年桃花旺
另外，William透露今個月手上的三部電影，他的角色都離不開「姊弟戀」，除了周慧敏跟蔡卓妍之外，另有一套電影是講述他有戀母的傾向，可謂向難度挑戰，他笑言：「之前大師話我今年旺桃花，原來旺晒喺啲電影度，不過真係好期待同周慧敏合作，呢排電視睇到佢個廣告，個心都有啲卜卜跳嘅感覺！（有冇向Angelababy備案？）冇喎，我諗佢睇到報紙會知。」
William表示曾經跟一位比他大五年的女仔拍拖，但就未曾感受過壓力，他說：「年輕嗰陣反叛期，個人會好偏激，反而有個成熟嘅女朋友會睇住你，個感覺幾舒服。」
文：音樂組