由於旺角掟腐蝕性液體狂徒尚未落網，眾人均擔心聲浪會刺激狂徒再度犯案。近期大熱的官恩娜坦言有少少被場面嚇怕，幸有保安在場，亦沒有被熱情的市民「鹹豬手」，她說：「係驚就驚鏹水彈多啲囉！應該要帶遮呀！我頭先都喺車度過有冇可疑人物先落車，之前見到有女仔毀容，我都好心痛，希望盡快拉到個狂徒，我都怕毀容！」

江若琳則說：「媽咪唔畀我去旺角㗎，頭先我見咁多人大嗌，我都唔識應，（怕被掟鏹水？）係掟嘅話，希望唔好中面！」

勇救細路

樂仔則說：「頭先有個小朋友被人逼到行唔到，情況好危險，我出手扶一扶佢，我都唔知被人踩咗幾多腳。（怕唔怕混亂中被摸？）女仔就會擔心。（點解唔護花？）唔使，現場有好多保安，我都自身難保，陣間走都唔知行幾耐至出到去，我好耐冇行旺角，上次戴埋口罩行街都畀人認出。」

文：影視組