Theresa發律師信給金牌後，單方面宣布已經解約，前日高調以星皓藝人身份開工，金牌CEO陳輝虹指控Theresa嚴重違約，將採取法律行動追究，昨日本報聯絡Theresa，她以sms回覆指還未收到律師信，會全交給律師處理。

繼續接工作

至於金牌太子爺Ronald昨日到深圳拍節目外景，被問到有冇睇Theresa的報道，他說：「睇過吓。（佢簽新公司即開工？）交畀輝虹搞，自己唔知頭唔知路，（會唔會法律追究？）睇公司啦。」Ronald又笑笑口說：「祝佢前程似錦。」

而星皓經理人部董事總經理彭淑霞指未收到金牌的律師信，公司會力撐Theresa：「佢已經係公司嘅人，未來嘅路會一齊行。」問星皓與Theresa簽約前有否諮詢律師意見不涉違約？她說：「每個步驟都有諮詢律師意見。」她並指公司會繼續幫Theresa接工作。

寸金牌嘥料

此外，Theresa和死敵Stephy這兩天不約而同更新網誌，Theresa寸爆金牌：「這年度對我來說，過得很吃力，太多眼淚，太多心痛……我知道我要更勇敢，更堅強，青春和時間有限，都不能再浪費。」

至於Stephy就上載了一篇摘自「舍得」的文章上blog：「勿貪得無厭，人生會遇到太多的誘惑，不懂舍棄就只能在誘惑的漩渦中喪生……」似暗寸Theresa，不過依然錯字連篇，如：舍（捨）得、舍（捨）棄、懮（憂）愁，令人失笑；而將於周四度過26歲生日的Stephy，因Theresa離去心情大好，據知她已廣邀同事好友於周三開生日派對慶祝，一舉兩得。

文：音樂組