前晚趙碩之為新片《我要做o靚模》進行拍攝，同場還有賈曉晨（JJ）、羅家英及周柏豪。有傳碩之將推出全裸寫真，她說：「公司係有咁嘅計劃，會喺冬天時推出。（全裸？）自己都介意，但係如果出嚟件事係靚嘅都可以。」問到是否要與瑤瑤對撼？她說：「唔係，我覺得我哋可以一齊工作，佢就好似我妹妹咁，況且咪當識多個台灣朋友囉。」
有傳碩之拍戲經常NG，令JJ頻頻黑面，JJ為此解釋：「我個角色係cool啲少講嘢啲，可能太過入戲先會以為我黑面，或者下次試吓傳緋聞。（想同周柏豪定碩之傳？）柏豪好啲，因為同碩之傳，我只會望住佢嗰度（胸部）！」
