【陳瑋瑜深圳直擊】莊思敏、周秀娜、椋名凜、A.Lin、Annie G.和孟瑤，昨日在深圳為節目《無敵獎門人惡鬥美女廚房》錄影。眾女穿上外衣將美好身段遮蓋玩水上遊戲，加上全程表現雞手鴨腳，令人失望。曾不屑o靚模兼指周秀娜為「外星人」的莊思敏，與o靚模和周秀娜同場態度竟180度轉變，與眾人相處融洽，更與她口中的「外星人」周秀娜有傾有講，搭晒膊頭拍照，令人詫異。事後問周秀娜與莊思敏同場會否尷尬，她說：「幾好吖，外星人唔識地球，去咗地球就要搵地球人帶住。（有傾偈？）有，講吓扮靚。我仲同佢講笑地球人大戰外星人添。」她指大家閒時見面有打招呼，亦有電話聯絡。

唔怕被指虛偽

莊思敏亦指與對方在公司經常碰面：「尋晚同佢飲嘢佢都有話外星人個名好得意。（嬲你？）我哋成日講笑。我仲笑佢成日講外星話。」問到會否擔心一時一樣被指虛偽，她說：「唔怕，之前講嘅係我自己立場，無影響大家相處。」她強調大家是熟落但不會約出街那種朋友。

一眾女將玩水上遊戲奮不顧身。	湯盈盈玩到落水濕身仍笑容滿面。	《獎門人》和《美女廚房》聯手做節目，人多勢眾。

A.Lin不信封殺

A. Lin被問和莊思敏同場有否尷尬，她說：「大家同公司，成日都有傾偈見面㗎啦，有事都會商量嘅。」對於陳志雲曾指不喜歡o靚模，她則表示不擔心會遭電視台封殺，否則不會邀她出席節目。