姚予晴：「男女拍拖就係咁癡纏，又唔可以話係送上門，一個冇嘢做去探班，一個有嘢做咪飛過去，『愛』字係好盲目。」

城嫂唔啱聽

Kim（經理人）：「Lynn今日已經有嘢做，要拍嘢，跟住又要為另一部戲開鏡，起碼要到農曆新年先放假。（Lynn話唔好叫佢做城嫂？）唔好叫城嫂，叫番Lynn好聽啲，城嫂唔係佢稱號。」

好似電視劇

Amanda S.：「好似電視劇咁，啲follow up都係記者話我知，當然冇人知佢哋係咪一齊，唔知真定假。（係咪覺得女方做主動？）You never know，可能係佢（城城）買ticket畀佢呢！（如果女人做主動好唔好？）依家好多女人都好多自由，有時啲男仔真係好shy。」

十月圍城

許志安（剛從外地回港）：「『乜事呀？』（等郭富城及熊黛林。）哦，十月圍城。（四處演出是否儲老婆本？）乜娶老婆要儲老婆本㗎咩？」