椋名凜前晚與十二位o靚模，A. Lin、DaDa（盧頌之）、Annie G.等到酒吧行騷，o靚模們穿上性感的背心短褲拉票，爭奪「Chill模王中王」的寶座，吸引台下大批男士熱情撲前，o靚模亦十分識做大派沙灘波、夏威夷花環和啤酒，觀眾不停吹口哨和拍手歡呼，當中以椋名凜和A. Lin的歡呼聲最為熱烈，Crystal亦不讓兩人專美，有粉絲舉牌撐場。
「有冇男仔介紹」
當DaDa被問及緋聞男友羅天宇和Sing之天使中的「梨」Coffee錫嘴的親密照片流出時，DaDa笑住反問記者：「係咩？幾時撻着？」她得知相片在數天前被刊登，即說：「咁祝福佢哋囉！（你係咪因為
新仔忽視舊愛？）我都冇新仔，有冇男仔介紹畀我呀？啲新聞出咗之後都冇男仔追，希望之後會多啲，我都唔鍾意大隻！」
唔鍾意「震胸男」
其他好姊妹A. Lin、Annie G.和Hailey C.紛紛和應，同聲表示她不喜歡震胸男，DaDa明示不喜歡港男出身的羅天宇，看來想與他劃清界線。DaDa又說：「拍攝劇集時，大家都專注喺我同羅天宇身上，可能佢哋已經撻着好耐呢，佢哋下次要小心啲，唔好畀人炒作。」
文：專案組