【潘琳深圳直擊】 蔡卓妍（阿Sa）、鄭伊健、郭富城及唐嫣昨日到深圳出席新片《風雲Ⅱ》主題影院揭幕禮，一名男子突然衝上台獻花，伊健「驚喜」收花後才知收錯男子欲送給唐嫣的花，一臉無奈，阿Sa則力撐男友鄭中基睇女有理。
阿Sa昨日以性感超短裙亮相，與伊健、城城及唐嫣在《風雲Ⅱ》主題影院揭幕禮上祝酒，由於活動在二樓舉行，大批傳媒、影迷卻由下而上仰望，令阿Sa顯得略為避忌，以防出現走光場面。
阿Sa坦言已做足措施防走光：「今日我着咗兩條打底褲，一條底裙，因為條裙好短。頭先個男人衝上台，我唔驚，反而覺得搞笑，因為佢個髮型好似伊健，其實頭先台下都有十幾個伊健頭，望真啲個髮型又似古巨基喎。」
齊齊食「防腐劑」
對有報道指鄭中基
女，阿Sa剛自台灣返港，未有看過有關報道：「我都仔啦，對眼生出嚟係望嘢嘅，禁制唔到。」她跟伊健已合作五、六次，兄妹、老婆、情侶都演過，她讚伊健容貌多年不變，不知食甚麼防腐劑！伊健即說：「咪同城城食埋同一隻，阿Sa都變咗，變靚咗同識打扮咗。（工作人員話頭先個男人係想送花畀唐嫣。）吓，點解會咁㗎？個男人明明係想送花畀我㗎喎！」令他十分尷尬。
唐嫣被城城電親
男人40的城城自言現時多了男人味，更加man：「我唔介意畀人見到皺紋，十年前太白淨，麒麟臂又肥，依家就fit啦！」唐嫣向城城送高帽說被他電親，嘆無緣拍親熱戲。