楊秀惠日前因與曹格約會，而捲入「曹側街頭肉搏」漩渦，昨日她出席EMAX活動時，對於事件起因種種傳聞，她表示不知情，並說：「有傳起因好似牽涉到我，唔關我事，唔知佢哋兩個咩事，唔方便講，總之我走嘅時候佢哋玩得好開心。（有傳側田話想退出娛樂圈？）我冇聽佢講過，佢兩個非常有才華、非常熱愛音樂，成日互相鼓勵，我諗都係一時亂講，講完就算。（覺得受到連累？）兩個都係我朋友，曹格係我好朋友。（佢好火爆？）可能壓力大，佢都承認有啲嘢係做得唔夠好，最緊要勇於面對，大家來自馬來西亞，一定會支持佢。（佢再約你去唔去？）一定會去，我哋係朋友。」