早前嘉欣就撇低老公亨亨，仲自信心爆棚，素顏上陣孖住家姐李嘉明去咗跑馬地嘅Amigo餐廳食晚飯，兩姊妹食到夜晚十一點幾至埋單。當嘉欣知道門口有記者時，為咗保住最美港姐個「朵」，夜麻麻都即刻「擸」番副烏蠅大超，仲要係連條眉都遮埋嗰隻，費事畀記者影到個烏「wear」樣。

兩姊妹步出門口時，見慣大場面嘅嘉欣仲淡淡定笑晒任影，反而佢家姐就慌失失行錯路，要嘉欣拉番佢轉頭一齊上車，上車後嘉欣仲慌死記者唔夠相，慢三拍咁閂車門，乘機騷巨型鑽戒，真係唔該晒喎，許太！